聖誕佳節祝祝你

一年好快又聖誕 時令佳節唔得閒
詩人節目排出欄 油詩博架鋪晒塵
閒人風子來把關 日誌當是禮物還
新聞時事新鮮人 大雄佳節甜如蜜
踢走憂愁乃等閒 豬豬佳節喜樂安

共賀聖誕新禧新景況

(利益申報:圖片打劫自flickr的Momba’s photostream)

搭港鐵, 變臘鴨!

兩鐵合併剛成立,
車費轉乘很複雜,
阿公阿婆唔識搭,
千計萬計先落踏,
慳埋雞碎似雞肋,
轉車數輪似臘鴨,
頭昏腦脹難站立,
左搞右搞眼烚烚,
更換商標花財帛,
大眾好處唔成立,
擾民政策你點答!

萬物之靈多智障

千呼萬喚終轉涼，
今個夏季真悠長；
盛夏滾熱猛太陽，
深秋和暖明月亮。

回想細個冇咁樣，
一年四季好正常！
夏天艷陽不曬傷，
秋黃葉落隨風向。

只怪污染威力強，
搞到天氣反晒常！
過多幾年難想像，
何處定居何處養？

萬物之靈多智障，
破壞污染不細想；
你我皆居地球上，
試問邊個最遭殃？

清官難審家庭事!

【蘋果日報】十月廿八日

兩 個 媽 媽 　 控 告 兒 子
到 底 是 世 上 只 有 媽 媽 好 ， 抑 或 是 可 憐 天 下 父 母 心 ？ 兩 位 媽 媽 昨 日 分 別 入 法 院 ， 一 位 向 已 貴 為 醫 生 的 兒 子 追 討 50 萬 元 借 款 ， 母 親 慨 嘆 愛 兒 被 女 人 蒙 蔽 ， 卻換 來 兒 子 一 句 ： 「 佢 精 神 有 問 題 」 ； 另 一 位 媽 媽 耗 盡 畢 生 積 蓄 ， 協 助 兒 子 及 媳 婦 買 樓 安 居 ， 自 己 卻 被 拒 諸 門 外 ， 有 家 歸 不 得 ， 把 心 一 橫 惟 有 禁 制 兒 媳 賣 樓 。 家 家 有 本 難 念 的 經 ， 且 看 清 官 如 何 審 理 家 庭 事 。

詳情請看這裏.

家家有本難念經,
血脈相連天注定,
千載修來母子情,
誰是誰非實難定,
借貸還錢亦合情,
騙錢賣樓更不應,
懷胎十月情不輕,
還望母子停一停,
互相體諒念恩情,
大事化小清心靈,
重修關係親子情!

重九齊打機! :p

噚日係重九拜山日,
三生酒禮,燒豬燒雞外,
孝子賢孫花千元買紙品祭祖,
而且紙紥祭品花款日新月異,
有LV袋,PSP,手電,平面電視...
有些孝子話要年年同先人換電話,
計我話,燒埋個WII就更加好啦!

重九祭祖好孝義,
三生酒禮莫遲疑,
燒埋大屋仲威啲,
電玩電話你我知,
陰間陽間均時宜,
人鬼同玩唔白痴,
連線對打有情義,
增加感情有意思,
歡聚重九笑嘻嘻!

珠顏漸老了無情

片片紅花片片情,
代代粉黛代代傾,
綣戀凡塵與流螢,
枉覓錯愛意難平,
淚濕衣襟嘆十聲,
千代琉璃恨不輕,
寧摧玉碎化繁星,
不作瓦存了無情!

鹹水草 ~ 夕陽之歌

【明報專訊 10月 09日 星期二】在西環一條後巷的舖位內，塞滿了一紮紮剛由越南運抵本港的鹹水草，散發濃烈的「草味」，置身其中，彷彿時光倒流，回到昔日以鹹水草及報紙綁菜綁魚的日子。現實卻是，膠袋早已在80年代末取代了鹹水草的地位。全港碩果僅存的鹹水草供應商王發也相信，就算徵收膠袋稅、環保團體再努力提倡，鹹水草行業也不會再有重振聲威的一天。

我是一條鹹水草 秧插鹹淡交界路
既施肥也要雨露 盛夏之期見成果

戰後匱乏物資無 小小水草就是寶
紮紮報紙綁菜好 環保工業我做到

業間競爭激過火 佳節時令都斷貨
內售外銷行其道 盛世風光唯獨我

惜於八零年代落 皆因膠袋橫行舞
碩果僅存餘一鋪 重振聲威唔奢望!

停車，唔該熄匙

停車熄匙惹爭議 業界質疑成效

停車點解唔熄匙？
輕輕一扭好容易。
業界反對顯自私，
利字當頭真羞恥！

環保措施要堅持，
成效不足做多啲！
廢氣滿街敝城市，
一早已經大件事！

立法管制不可遲，
保護環境要及時，
藍天白雲成歷史，
依家唔做等幾時？

救火英雄請自重

【蘋果日報】十月九日

消 防 局 狂 亂 派 對 曝 光
近 日 網 上 流 傳 一 批 將 軍 澳 寶 林 消 防 局 舉 行 中 秋 狂 歡 派 對 的 照 片 ， 揭 露 消 防 員 保 安 與 紀 律 的 問 題 。 除 了 當 值 期 間 可 以 燒 烤 及 唱 卡 拉 OK ， 個 別 當 值 消 防 員 更 涉 嫌 違 反 紀 律 喝 啤 酒 ； 又 任 由 局 外 的 艷 女 穿 上 消 防 員 防 火 衣 ， 並 在 消 防 局 辦 公 室 拍 照 。

消防救火好英勇,
服務人群應加竉,
中秋佳節人放鬆,
派對耍樂應自重,
制服不可隨便用,
當值飲酒禍無窮,
還望管理莫認同,
從納正軌做英雄!

我們見報了

圖片來自經濟日報10月5日

經濟日報校院版,
找到我們話好玩,
大雄風子唔偷懶,
小豬新鮮都幾棧,
齊作打油意無限,
開心歡樂在心間!

包二奶

由剛過去的國慶日開始，廣東省已經正式將「中華人民共和國婦女權益保障法」此法例伸延至婚外情，禁止「有配偶者與他人同居或者明知他人有配偶而與其同居，妨害一方或者雙方婚姻家庭關係」。



港人北上搵食忙
軟玉溫馨把嬌藏
真情假意難分辨
貓愛食魚（都）唔駛講

港妻夜夜守空帷
辛勤持家盼郎歸
好彩（嘅都）仲有家用俾
苦命果啲（就要）靠自己

溫柔鄉內好忘形
搞到家變（都）仲唔停
新例推行起阻嚇
不忠老公要警醒



後記：即使新例的實施成效如何未能定論，將「包二奶」刑事化一舉，在各方面來說都具有深層意義。

四季歌

秋風飄飄黃葉蕩,
浮雲處處藍天朗,
片心憂憂黃花葬,
人情冷冷會心糠.

青春匆匆意志狂,
仲夏欣欣心正旺,
深秋凄凄力漸喪,
嚴冬跚跚志未藏.

中秋節快樂

月到中秋份外明
家家户户慶團圓
三人油詩獨缺吾
落機即時來補欠

國外月亮確是圓
浩瀚長空有如鏡
遊子過客當景點
怎看也難及家暖

月亮歌

中秋節來吃月餅,
水果蜜桃鬼咁靚,
白兔燈籠又好平,
大人細路都話正,
可惜天空像有病,
烏雲蔽月唔知"訂",
有餅無月坐大廳,
睇吓電視當是贏!

一年容易又中秋

一年容易又中秋
月餅燈籠處處有
明月高照如白晝
一家大細樂悠悠

秋意滿盈惹憂愁
霎眼夏天就要走
時間咁短未玩夠
煩請老天留一手

涼風吹送薄衫透
時冷時熱風吹頭
冷病麻煩叫人愁
出外記緊加件褸

秋風

窗外吹來陣陣風
涼爽舒服係唔同
攤喺梳化抖番陣
不知不覺搵周公

醒來唔知幾點鐘
只覺今晚秋意濃
仲有七日就中秋
食舊月餅玩燈籠

潑婦搶股票機

【蘋果日報】九月五日

爭 按 股 票 機 　 兩 婦 咬 臂 扯 髮
昨 日 秀 茂 坪 順 利 邨 創 興 銀 行 ， 兩 名 婦 人 疑 爭 按 股 票 機 ， 各 不 相 讓 大 打 出 手......其 間 ， 張 婦 伸 出 右 手 按 麥 婦 股 票 機 時 ， 麥 婦 一 口 咬 着 她 前 臂 ， 她 痛 極 大 叫 。 據 稱 ， 麥 婦 咬 着 張 不 放 ， 張 婦 則 扯 着 她 的 頭 髮 ， 兩 人 糾 纏 一 起 ， 在 場 股 民 勸 止 及 報 警 。

股市暢旺揾大錢,
銀行投資大發現,
兩位師奶買孖展,
爭先恐後查價錢,
機少人多點樣掂,
搶人架機查住先,
八婆因住尾兩年,
攞我架機人格賤,
當我阿蓮無到添,
一於咬你手臂前,
扯我頭髮咁鬼賤,
反扯返你上衫先,
等你剝光棄眼前,
手口並用獸性現,
阻住老娘唔畀面,
打到趴街人都癲!

夜半燒衣

夜濕雨露夜半深,
鬼門盡開覓替身,
各家善信求安心,
路邊燒衣祭枉生,
三生禮品灑亡魂,
風土習俗本可親,
無奈自私確難忍,
祭品亂棄無人問,
蠋具未息己走人,
通街垃圾眼都暈,
自私自利真氣人,
拜地拜鬼只欺神,
人神共憤忍不能!

毒計小蜜蜂

明報 2007年8月21日
台女子被蜜蜂螫破隆胸乳房

台灣苗栗縣一名31歲女子，被蜜蜂叮咬右乳房，其後發現竟被刺破隆胸的鹽水袋，令胸部變成平坦。

小蜜蜂,嗡嗡嗡,
飛到西,飛到東,
採花蜜,勤做工,
飛上山峰覓花踪,
遍尋山上撲個空,
嶺上雙梅全無用,
狂吹猛啜似老翁,
花蜜全無怒氣冲,
一家大小肚空空,
有花無蜜被戲弄,
蜜蜂毒計藏心中,
一針拮爆假山峰,
鹽水盡流無陰公,
高峰崩塌化成空!

ps:謝謝space兄提供資料.

雞絲粉皮易入口

天陰落雨悶到嘔,
路上行人避雨走,
放工回家呌一呌,
又悶又焗無胃口,
今晚食物難入手,
諗起食飯我想走,
意粉薄餅唔入流,
行經超市想停留,
見到粉皮口水流,
青瓜雞絲更就手,
一於來個新意頭,
雞絲粉皮好入口,
天氣悶熱確一流!

八逹通,打籠通!

八逹通,真陰公,
呃完阿婆,呃阿公,
呃無可呃,呃大眾,
電子扣錢,亂哂籠,
增值失敗,核數鬆,
多收百萬,當眼矇,
十年不報,騙大眾,
客人醒目,查異同,
奸商現形,真捉蟲,
賠賞十元,當我窮,
一定追究,莫緃容,
禍害不淺,難苟同!

天星．皇后．皇帝

天星殞落夜迷濛
皇后迫遷入冷宮
九龍皇帝未得寵
逝世醫院病榻中

痴狂一生為人瘋
深信地權承祖宗
畫寫牆壁未斷終
只為訴苦告大眾

集體回憶漸失蹤
環看四周大不同
遺址傳奇和古董
消逝璀燦繁華中

有錢好過癮!

圖片:蘋果日報

暑期作業煩死人,
又悶又難多到震,
一於唔做哂精神,
不如打機過日晨,
點知阿媽咁好人,
兩頁就有四十銀,
做到十頁一百蚊,
全本做哂五百銀,
用錢獎勵好吸引,
等我勤力來做人,
賺佢成本千幾銀,
有錢揾埋林亞珍,
拍拖唱歌睇E神!

零食(怪)密語

圖片/引文:蘋果日報

食物標籤揭誤導 水果餅乾無水果

消費者委員會發現，市面不少所謂士多啤梨雪糕、香橙餅等食品，原來只含水果「味」調味劑，果肉欠奉；所謂「含豐富果肉」也只是果醬，其中七款食品的名稱就因涉嫌有虛假、誤導或詐騙成份，而遭食物環境衞生署警告。
醫生關嘉美表示若過量進食含調味劑、色素等食品，會傷害肝、腎臟等。

小弟外號零食怪,
餅乾雪條我食哂,
果味夾心我至愛,(愛:讀國語)
香橙檸檬確不頼,
有益健康唔洗捱,
點知被人呃鬼哂,
一粒果肉都無賣,
全部人造味道怪,
無益傷肝攞命債,
害人奸商要警介,
政府今次要表態,
罰佢千萬來頂債,
否則食病誰來怪!

天氣圖

街頭熱熱似火爐
溫度點祗三十多
汗流浹背人消耗
頭暈身興心都火

公司凍凍如冰窖
手腳冰凍臉色無
著埋件褸頂唔到
你話點會有廿度

室內室外差咁多
咁既日子點樣過
四十年後冬至無
夏天咪要學噴火

哎 ~

國歌

（都市日報 10/7/2007）
武漢科技大學中南分校在期末考試中出了一道試題，要求學生默寫出國歌歌詞同詞曲作者。但完全答對的竟然不到10%。


武漢大學考國歌
九成唔識肥佬左
歌詞作者通通錯
真係心實嘆奈何
國歌平時聽得多
真係要唱唔識噃
原來國內都係咁
港胞唔曉（都）唔算"火羅"

老豬自辯

我是老豬非小豬,
掌管廣播好特殊,
港台受壓我頂住,
廣播自由誓保住,
日日咁做無懶豬,
壓力奇大要獨處,
放假消閑好去處,
靚女酒廊鐘點住,
帶女出街博一注,
開門即見記者駐,
嚇我頼尿痾殊殊,
即藏靚女背後柱,
狗仔攝技真超著,
無論點避難保住,
唯有辭職廣播署,
費事連累無益處!

我不是一個膠袋

善意環保購物袋，
原意警世減污害，
政府宣傳十數載，
無人問津乏理睬，
我不是一個膠袋，
只因名牌效應在，
現成潮人必備袋，
個個都要搶住愛。
其實一個爛鬼袋，
質料下乘唔襟載，
買家幾個知清楚，
環保口號隨時改，
名牌只為發大財？

領導保安

[明報專訊]

國家領導七一訪港，警方安排嚴密保安，被轟為「消毒」所有反對聲音。


領導訪港大陣仗
不容有失免死傷
反對聲音隔絕晒
投訴專制好張揚
其實都係打份工
唔通任你四圍貢
梗係"目及"實保安全
狂鬧處長都冇用

七月一日

七月一日星期日 街頭湧湧好多人
身在鬧市無路行 風子實在好得閒
陪爸睇波磨時限 天倫之樂唔太難

球場內外隊對壘 賽事未幾嚇鬼死
阿麟球技真係水 志偉驚到出手鎚
聖保羅對拜仁尼 路斯頭槌將球追
中國隊對世星隊 原是欺負老人堆

天口太熱汗浹流 球迷興奮唔計較
人浪氣棒不停奏 唯獨風子唔啱骱
周公子來電急驟 席上暈眩消時侯

手機炸乳頭

【 蘋果日報 】六月廿九日

爆手機炸燶乳頭

「我開機冇幾耐部手機就爆炸，乳頭幾乎炸甩。」在廣州市打工的20歲青年蔡亞弟，前日早上睡醒後急不及待開其剛買的二手手機，不料按鍵後手機就發生爆炸，其左胸被炸至一片焦黑，左乳頭更被炸，右手佈滿火花灼傷的點點紅斑......內地劣質手機充斥令人提心吊膽。

小弟名叫蔡亞弟,
年青有為做速遞,
勤力上進志不低,
月頭出糧有節制,
為揾女友都無計,
買個手電來傾計,
點知開機一按制,
手機爆炸唔老黎,
炸燶乳頭我唔制,
珍女見到話獻世,
幾日唔理我亞弟,
諗起奸商眼厲厲,
必定捉實將屎餵!

無眼睇!

【蘋果日報】六月廿六日
1女4男中二學生玩5P

中二女學生參加學校旅行後，與一班同學返回自己寓所繼續玩樂，當其中三男生在客廳觀賞色情電影期間，女學生竟與另外四男生在房內大玩「5P」集體性行為遊戲，更先後替四男生口交，後因其父提早下班回家，撞破他們的荒唐行徑報警處理。

中二細路女性交當有趣,
旅行無得咀返歸將衫除,
三男咸碟追四男入房睡,
一女會四男攬埋一大堆,
老豆回家裏怒氣逐個追,
壞女未知衰自殺將責推,
風氣如此頽大家莫追隨!

一案兩拍:要面對性,不是要阻隔接觸

風之谷

無盡污染惹災禍
人心貪婪啟戰火
奇異生物如妖魔
毒氣森林四處播
上代無知種惡果
下代承受無奈何
旦願人類想清楚
不要繼續再犯錯
地球只有這一顆
受苦受難共存亡

嘆世界

炎炎夏日冲個涼,
身心舒暢人又強,
加杯賓治更似樣,
生津解渴全身暢,
創意無限發揮揚,
偷得浮生夏日長!

一案兩拍:冲個涼.飲杯冰

再見螢火蟲

閃爍閃爍的螢蟲火 , 橘黃色的光伴著舞
糖果盒裡沒了糖果 , 生命是否不會將老
親情你我兩相依傍 , 如今袛留吾獨自惱

生活流離失所難究 , 是誰握殺生命沒疚
動盪社會飽受煎熬 , 頹垣破瓦人性醜陋
殺戮戰場更非所求 , 和平袛要放下爭鬥

龍貓

肥胖身軀樣子趣
滿身軟毛身體巨
嗜吃果仁喜歡睡
行動迅速如風去
年齡相傳幾百歲
天性純良笑掛嘴
對人有善不畏懼
熱心幫助未嫌累
叢林之神樹洞居
終年隱守山林裡

天空之城

遠古文明數千年
高科技世間罕見
將種子輕灑天邊
令大地飄浮在天
財富武力滿威嚴
惜人心空虛可憐
沒落王國多少年
始覺心與地相連
市民棄城回地面
感恩回歸大自然

現實裡的夢

動畫大師宮崎駿，畢生潛修動漫聯
投身東映動畫列，既編且導樣樣掂
人物素描夠晒型，驚險場面好鬼勁
精采橋段扣心弦，觀眾掌聲贏到盡

拍上高畑勲，成立吉卜力，踩入電影圈!
風谷裡遊走，人類與自然，如何相和融!
抬頭望天空，城堡雲中舞，神話或是夢?
再見螢火蟲，誠田和小節，歷史的悲傷!
龍貓打草傘，巴士半夜叫，誰在唱歌謠?
生活本無常，歲月若快樂，童話不重要~

喧鬧都市各自忙，誰願花神費心機?!
怎信魔女掃把騎，城內貍貓隱身術?!
成人世代童真渺，那有閒情理想顧!?
夢想原是有代價，開心也要講資格!!!

(revised version II @ hyacinthus)

有毒牙膏

質檢總局望港復售三款牙膏

政府有責護市民﹐
跟從世界出指引﹐
牙膏有毒應該禁﹐
質檢總局何需問﹖

香港海關盡責任﹐
有毒就禁唔駛等﹐
二甘醇可傷肝腎﹐
唔通想要用死人﹖

唔該總局用腦稔﹐
其他毒物你唔問﹖
毒蛋毒橙毒飲品﹐
管掂自己再管人﹗

現代『花木蘭』

圖片:蘋果日報　女主角:吳俊薇

【蘋果日報】六月十四日

涉嫌用假身份受僱
妹妹扮哥哥打工兼偷竊

古有木蘭代父從軍,
今日俊薇冒兄亂真,
偷竊認罪接受處分,
警察法官均不查真,
處理馬虎實應究因,
如有下次笑死雙親!

一案兩拍:焉能分出雄與雌

課室索Ｋ！

【蘋果日報】六月十二日

校內索K
4女生送院，
1男生涉嫌販毒被捕！

女生索Ｋ好離舖，
課室任索非常好，
十三四歲咁鬼早，
老師無權又老土，
老母打牌無咁早，
老豆爛口閙老母，
責任誰屬點算好，
遲早學壞坐監牢！

點解昂平３６０？

昂坪跌吊車 全港震驚 - 星島

點解昂平３６０，
高空飛墮落草坪？
人為失誤唔生性，
驗車大意唔清醒？
定係過勞冇得停，
纜車自殺呻不平？
拜托檢查用眼睛，
唔好求其睇心情！
下次傷人囉性命，
香港聲譽冇得剩，
冇得剩！

寫打油詩

以前不寫打油詩
寫開覺得幾得意
寫人寫物寫時事
最好大家都鍾意