何必動氣傷腦筋

網友談天好氣氛，
文明討論夠誠懇，
一人一句好過癮，
點解講到要鬧人？

話題平常唔切身，
何必動氣傷腦筋？
鬧人窒人唔夠品，
破壞形象似流氓。

平心靜氣稔一稔，
人地同你冇啦楞，
嘈生嘈死冇原因，
回頭稔真邊個笨？

天理循環!

錦衣玉食人富貴，
騙財揾銀將錢睇，
呃神騙鬼人虛偽，
下流賤格人又曳，
背棄妻女無自制，
貪多慕得禍自黎，
遲早扑直週身蟻。

頑童念母親!

Maria-Grazia-Luffarelli -Margherite-Variopinte-II

小時頑皮週街走，
功課唔做四圍遊，
母親火起攻心頭，
拿起籐條係咁抽，
皮開肉爛淚滿流，
跪地求饒望停手，
下次唔敢懶自由。

今天時光飛快走，
手拖老母通街遊，
氹得微笑上心頭，
買完肥雞買老抽，
煮雞好味口水流，
讚我煮雞有一手，
孝順老母莫因由。

祝願各位母親:
母親節快樂。