必遭天譴

古有慈禧西太后
今有護理員陳某
行為無良唔知醜
護理老人感屈就
拳打腳踢當報仇
老人癡呆無地走
慘遭餵屎好憂愁
陳某開心周圍遊
被人揭發未知憂
官爺譴責俾天收
必遭天遣萬人讎
他朝年老無子守
屎尿齊餵任人醜

相關新聞:
塞婆婆食屎　官斥:必遭天譴
護理女主任罪成收監

酒井法子，為何如此？

酒井法子，為何如此？

回想當時，可愛人兒；
婀娜多姿，大紅大紫；
一眾男士，為妳心儀。

時光飛馳，相夫教子，
話雖如此，人氣不止；
歌迷心意，堅定不移。

奈何無知，生活放肆，
肉林酒池，吸毒成嗜，
眾多粉絲﹐心痛不已。

偶像人士，榜樣例子，
常人無知，還可質疑，
藝人犯事，令人不齒。

還望法子，經過此事，
細心靜思，再長一智，
其他人士，以此例子。

毒品喪志，不能開始﹗

轉眼六四二十年

轉眼六四二十年
煙銷雲散事境遷

回想當年心頭顫
民運呼聲響遍天
學生群眾意志堅
冀盼國家新發展

奈何當權發瘋癲
軍隊屠城掀血宴
傷亡慘重無倖免
百姓悲痛夜難眠

民運決心受磨練
歪理妖言隨可見
唯獨抗爭年復年
不畏強權不怕險

民主星火心相連
廿載豪情從未變
薪火相傳負我肩
堅信總會見晴天

我吃大西瓜!

/
天時暑熱叫阿媽，
口乾鼻熱點算呀?
走去買個大西瓜，
又香又甜還起沙，
口水直流頂呱呱，
還理儀態正儍瓜，
大啖大啖咬佢啦。

何必動氣傷腦筋

網友談天好氣氛，
文明討論夠誠懇，
一人一句好過癮，
點解講到要鬧人？

話題平常唔切身，
何必動氣傷腦筋？
鬧人窒人唔夠品，
破壞形象似流氓。

平心靜氣稔一稔，
人地同你冇啦楞，
嘈生嘈死冇原因，
回頭稔真邊個笨？

天理循環!

錦衣玉食人富貴，
騙財揾銀將錢睇，
呃神騙鬼人虛偽，
下流賤格人又曳，
背棄妻女無自制，
貪多慕得禍自黎，
遲早扑直週身蟻。

頑童念母親!

Maria-Grazia-Luffarelli -Margherite-Variopinte-II

小時頑皮週街走，
功課唔做四圍遊，
母親火起攻心頭，
拿起籐條係咁抽，
皮開肉爛淚滿流，
跪地求饒望停手，
下次唔敢懶自由。

今天時光飛快走，
手拖老母通街遊，
氹得微笑上心頭，
買完肥雞買老抽，
煮雞好味口水流，
讚我煮雞有一手，
孝順老母莫因由。

祝願各位母親:
母親節快樂。

美味南瓜包

我是一個南瓜包，
橙色衣裝搶到爆，
頭頂提子好鬼姣，
肚裏饀料人人咬，
美味無窮包你飽，
不要叫我西瓜刨，
還是喜歡叫做包。

我愛芝麻芋頭包!

大家看看是什麼?
不是牛屎不是梳，
只準眼看手勿多，
又香又滑又甜喎，
原來是個包包囉，
芝麻芋頭好味啊，
大人細路齊食囉，
一家大細笑呵呵。

國寶輓歌

壯烈犧牲中華鱘
唔知點養頭都暈
死完一條又一條
諗計死撐好 ti tun

剩低果啲又病重
最終要揾老祖宗
以為可以鬆口氣
竟然繼續得恩寵

再送國寶娃娃魚
同樣難養怕再輸
煮到埋黎唯有食
國寶命運真堪虞

莫道我身材!

肉體橫陳娛聞載
身心坦率好自在
本非冰清聖潔人
諸君莫道我出塞

金銀玉石我所愛
愛海無情千百代
飽受煎熬情難奈
只求安穩莫感慨