2008年8月13日星期三

賺錢艱難

薄薄一張塑膠卡,
信用貸款無花假,
任簽任駛誇啦啦,
幾千幾萬隨你花;

錢財如沙過指罅,
揮霍無道像玩耍,
玩物喪志要奢華,
輕輕揮筆真瀟灑;

財不過手不知價,
勿聽商家講大話,
以為還款冇有怕,
其實已經被敲詐;

簽卡之前稔一下,
欠債成世賠身家,
冇錢找數咪亂花,
賺錢艱難你知嘛?

3 則留言:

新鮮人 說...

大雄講得好啱架,
無錢千奇咪亂花,
簽咭容易還時瓜,
日積月累點算呀?
叫埋阿爸和阿媽,
押清身家搞掂它!

錢秋 說...

信用卡的確方便
見證了時代轉變
即使忘了帶現錢
仍可大方進商店
任何事也有兩面
簽卡並非無優點
必須改變這觀念

新鮮人 說...

ref:錢秋,

十分多謝你留言,
點滴片語表意見,
簽咭的確有兩面,
只要節制應推薦,
做到平衡好方便!