補一補唔會老!

女人唔補好易老
男人唔補好易無
花膠有益又滋補
食完長生不易老

價錢唔平點算好
買完無銀要走佬
節衣縮食慳條數
咸魚白菜好過無

秋

秋意漸濃要加衣
冷親就會打乞嚏
風和日麗精神爽
行山遠足最合時

月上柳稍頭...

月宮嫦娥想故人，
上待寒宮盼邀約，
柳枝輕擺素淡黃，
稍眉弄月心漸昏，
頭徐淚下背人後。

願世人人月兩團圓!

中秋節快樂

月圓 懸朗願 色佳
滿城 燈火明 秋節
人敘 人相聚 筵慶
倆影 四詩人 偕團
圓餅 燈謎玄 人圓

豎批: 月滿人倆圓　佳節慶團圓　

笑聰明!

世上奇人好多名,
思考邏輯佢先明,
說話隱晦無人明,
自喻高深懶聰明,
自想自說又忘形,
智者愚漢難辨認,
可笑至極問姚明!

賺錢艱難

薄薄一張塑膠卡，
信用貸款無花假，
任簽任駛誇啦啦，
幾千幾萬隨你花；

錢財如沙過指罅，
揮霍無道像玩耍，
玩物喪志要奢華，
輕輕揮筆真瀟灑；

財不過手不知價，
勿聽商家講大話，
以為還款冇有怕，
其實已經被敲詐；

簽卡之前稔一下，
欠債成世賠身家，
冇錢找數咪亂花，
賺錢艱難你知嘛？

小小蜘蛛俠

天水圍，小姊弟
肚餓起黎要諗計
三十四樓爬落黎
沿住水渠玩命仔
蜘蛛俠都冇眼睇
街坊嚇到喊出黎
阿媽瞓到懵閉閉
心跳血壓都正常
你都咪話唔巴閉


連結：天才兒童蜘蛛俠

聖火環球迎奧運

聖火環球迎奧運，
全民參與夠吸引，
香港跑手百二人，
一人一棒夠過癮。

九個幾鐘周圍騰，
稔落其實幾擾民，
封街封路睇得緊，
最怕示威靠太近。

官商權貴影藝人，
個個爭住跑一陣，
坐輪椅嘅都有份，
運動員又冇人搵。

國家大事唯有忍，
四年一次唔好（火孟），
但我真係好想問：
　
　
　
　
　
點解又有陳志雲？

大婆問蒼天

【蘋果日報】一月四日

鄧 麗 瓊 案 或 掀 大 婆 告 夫 潮
一 石 激 起 千 層 浪 ， 自 47 歲 本 港 婦 人 鄧 麗 瓊 狀 告 45 歲 丈 夫 施 長 城 包 二 奶 一 案 前 日 在 深 圳 審 理 後 ， 原 來 不 少 本 港 婦 女 亦 有 鄧 麗 瓊 的 遭 遇 。 其 中 林 婦 雖 已 掌 握 丈 夫 在 深 圳包 二 奶 的 確 實 證 據 ， 包 括 二 奶 與 丈 夫 在 內 地 所 生 子 女 的 出 世 紙 ， 她 曾 在 香 港 狀 告 丈夫 ， 非 常 諷 刺 地 全 盤 敗 訴 ， 林 不 排 除 轉 移 陣 地 往 內 地 狀 告 丈 夫 ， 為 自 己 平 反 。

告.告.告......
千忍萬忍為今天,
狀告衰佬求伸寃,
拋妻棄子咁鬼賤,
家用全無難過年,
有錢身痕酒花天,
無財歸來問要錢,
衰格咸濕人又賤,
鬧我打我欺我善,
當初甜言語綿綿,
如今粗口駡黃面,
天誅地滅恨意纏,
只求平反問蒼天,
誓告狼心在當前!

聖誕佳節祝祝你

一年好快又聖誕 時令佳節唔得閒
詩人節目排出欄 油詩博架鋪晒塵
閒人風子來把關 日誌當是禮物還
新聞時事新鮮人 大雄佳節甜如蜜
踢走憂愁乃等閒 豬豬佳節喜樂安

共賀聖誕新禧新景況

(利益申報:圖片打劫自flickr的Momba’s photostream)

搭港鐵, 變臘鴨!

兩鐵合併剛成立,
車費轉乘很複雜,
阿公阿婆唔識搭,
千計萬計先落踏,
慳埋雞碎似雞肋,
轉車數輪似臘鴨,
頭昏腦脹難站立,
左搞右搞眼烚烚,
更換商標花財帛,
大眾好處唔成立,
擾民政策你點答!

萬物之靈多智障

千呼萬喚終轉涼，
今個夏季真悠長；
盛夏滾熱猛太陽，
深秋和暖明月亮。

回想細個冇咁樣，
一年四季好正常！
夏天艷陽不曬傷，
秋黃葉落隨風向。

只怪污染威力強，
搞到天氣反晒常！
過多幾年難想像，
何處定居何處養？

萬物之靈多智障，
破壞污染不細想；
你我皆居地球上，
試問邊個最遭殃？

清官難審家庭事!

【蘋果日報】十月廿八日

兩 個 媽 媽 　 控 告 兒 子
到 底 是 世 上 只 有 媽 媽 好 ， 抑 或 是 可 憐 天 下 父 母 心 ？ 兩 位 媽 媽 昨 日 分 別 入 法 院 ， 一 位 向 已 貴 為 醫 生 的 兒 子 追 討 50 萬 元 借 款 ， 母 親 慨 嘆 愛 兒 被 女 人 蒙 蔽 ， 卻換 來 兒 子 一 句 ： 「 佢 精 神 有 問 題 」 ； 另 一 位 媽 媽 耗 盡 畢 生 積 蓄 ， 協 助 兒 子 及 媳 婦 買 樓 安 居 ， 自 己 卻 被 拒 諸 門 外 ， 有 家 歸 不 得 ， 把 心 一 橫 惟 有 禁 制 兒 媳 賣 樓 。 家 家 有 本 難 念 的 經 ， 且 看 清 官 如 何 審 理 家 庭 事 。

詳情請看這裏.

家家有本難念經,
血脈相連天注定,
千載修來母子情,
誰是誰非實難定,
借貸還錢亦合情,
騙錢賣樓更不應,
懷胎十月情不輕,
還望母子停一停,
互相體諒念恩情,
大事化小清心靈,
重修關係親子情!

重九齊打機! :p

噚日係重九拜山日,
三生酒禮,燒豬燒雞外,
孝子賢孫花千元買紙品祭祖,
而且紙紥祭品花款日新月異,
有LV袋,PSP,手電,平面電視...
有些孝子話要年年同先人換電話,
計我話,燒埋個WII就更加好啦!

重九祭祖好孝義,
三生酒禮莫遲疑,
燒埋大屋仲威啲,
電玩電話你我知,
陰間陽間均時宜,
人鬼同玩唔白痴,
連線對打有情義,
增加感情有意思,
歡聚重九笑嘻嘻!

珠顏漸老了無情

片片紅花片片情,
代代粉黛代代傾,
綣戀凡塵與流螢,
枉覓錯愛意難平,
淚濕衣襟嘆十聲,
千代琉璃恨不輕,
寧摧玉碎化繁星,
不作瓦存了無情!

鹹水草 ~ 夕陽之歌

【明報專訊 10月 09日 星期二】在西環一條後巷的舖位內，塞滿了一紮紮剛由越南運抵本港的鹹水草，散發濃烈的「草味」，置身其中，彷彿時光倒流，回到昔日以鹹水草及報紙綁菜綁魚的日子。現實卻是，膠袋早已在80年代末取代了鹹水草的地位。全港碩果僅存的鹹水草供應商王發也相信，就算徵收膠袋稅、環保團體再努力提倡，鹹水草行業也不會再有重振聲威的一天。

我是一條鹹水草 秧插鹹淡交界路
既施肥也要雨露 盛夏之期見成果

戰後匱乏物資無 小小水草就是寶
紮紮報紙綁菜好 環保工業我做到

業間競爭激過火 佳節時令都斷貨
內售外銷行其道 盛世風光唯獨我

惜於八零年代落 皆因膠袋橫行舞
碩果僅存餘一鋪 重振聲威唔奢望!

停車，唔該熄匙

停車熄匙惹爭議 業界質疑成效

停車點解唔熄匙？
輕輕一扭好容易。
業界反對顯自私，
利字當頭真羞恥！

環保措施要堅持，
成效不足做多啲！
廢氣滿街敝城市，
一早已經大件事！

立法管制不可遲，
保護環境要及時，
藍天白雲成歷史，
依家唔做等幾時？

救火英雄請自重

【蘋果日報】十月九日

消 防 局 狂 亂 派 對 曝 光
近 日 網 上 流 傳 一 批 將 軍 澳 寶 林 消 防 局 舉 行 中 秋 狂 歡 派 對 的 照 片 ， 揭 露 消 防 員 保 安 與 紀 律 的 問 題 。 除 了 當 值 期 間 可 以 燒 烤 及 唱 卡 拉 OK ， 個 別 當 值 消 防 員 更 涉 嫌 違 反 紀 律 喝 啤 酒 ； 又 任 由 局 外 的 艷 女 穿 上 消 防 員 防 火 衣 ， 並 在 消 防 局 辦 公 室 拍 照 。

消防救火好英勇,
服務人群應加竉,
中秋佳節人放鬆,
派對耍樂應自重,
制服不可隨便用,
當值飲酒禍無窮,
還望管理莫認同,
從納正軌做英雄!

我們見報了

圖片來自經濟日報10月5日

經濟日報校院版,
找到我們話好玩,
大雄風子唔偷懶,
小豬新鮮都幾棧,
齊作打油意無限,
開心歡樂在心間!

包二奶

由剛過去的國慶日開始，廣東省已經正式將「中華人民共和國婦女權益保障法」此法例伸延至婚外情，禁止「有配偶者與他人同居或者明知他人有配偶而與其同居，妨害一方或者雙方婚姻家庭關係」。



港人北上搵食忙
軟玉溫馨把嬌藏
真情假意難分辨
貓愛食魚（都）唔駛講

港妻夜夜守空帷
辛勤持家盼郎歸
好彩（嘅都）仲有家用俾
苦命果啲（就要）靠自己

溫柔鄉內好忘形
搞到家變（都）仲唔停
新例推行起阻嚇
不忠老公要警醒



後記：即使新例的實施成效如何未能定論，將「包二奶」刑事化一舉，在各方面來說都具有深層意義。